Pelegrinadi

Igl è primavaira e cun ella cumenza er la stagiun da pelegrinadi. Questas emnas sa mettan blers pelegrins da l'entir mund sin viadi per ir a Gerusalem en Terra sontga, a Lourdes, tar S. Giachen a Santiago da Compostela, mo lura er en lieus pli modests sco a Nossadunnaun u a Ziteil. Dapi tschientaners tutgan pelegrinadis a la cultura e la tradiziun catolica. La finamira d'in pelegrinadi è d’engraziar per insatge, per exempel ch’ins è revegnì d’ina malsogna, mo lura er rugar per ina grazia u implorar agid da surengiu. La pregia da questa dumengia fa sur Tarcisi Venzin da Dardin.
Redacziun: Gabriela Desax