Tge porscha rtr.ch?

Sin la pagina rtr.ch chattais vus tut las infurmaziuns davart Radiotelevisiun Svizra Rumantscha. Cun cliccar sin las rubricas principalas (Novitads, Radio, Televisiun, Podcast, Dossiers, Nossa chasa, Servetschs, Butia, Divertiment) chattais vus spert las infurmaziuns giavischadas. La pagina vegn actualisada durant 365 dis ad onn. Prest tut las contribuziuns ed emissiuns èn a disposiziun en la rait.

Co poss jau navigar tras la pagina d'internet?

La pagina cuntegna ina navigaziun orizontala cun dus nivels. Datti tar la categoria principala anc sutpaginas èn quellas da vesair gist giusut. Tar dossiers u temas pli vasts datti ina navigaziun aifer quellas paginas. Quella navigaziun funcziuna cun ina navigaziun da dropdown.

Nua datti infurmaziuns specificas davart ina emissiun?

Vus pudais ir direct ir sin “Radio” u “Televisiun”. Là avais vus la pussaivladad d’eleger l’emissiun giavischada. Ni lura era sut il chavazzin “Emissiuns dad A fin Z”.

Nua chat jau il program da radio u da televisiun?

Il raster dal program da radio e da la televisiun chattais vus sche vus elegiais la categoria da radio u da televisiun. Là pudais vus telechargiar il program e stampar ora el.

Nua chat jau l'infurmaziun tge toc da musica che vegn actualmain en il radio?

Vus avais la pussaivladad da guardar ils ultims 25 titels da musica u bain era da tschertgar cura ch’in titel è vegnì emess. Dentant era sche vus savais il temp ch’il titel è vegnì, n’enconuschais dentant betg il titel e l’interpret sche pudais vus chattar ora quai. Noss archiv da musica as gida.

Nua chat jau las frequenzas dal Radio Rumantsch?

Infurmaziuns detagliadas co ch’ins po tadlar Radio Rumantsch datti sut il chavazzin “Recepziun”.

Co poss jau tadlar il program LIVE dal Radio Rumantsch en l'internet?

Il program actual dal Radio Rumantsch pudais vus tadlar sco stream sche vus cliccais sin "Live". Quel è da chattar sin l’emprima pagina u cun il link qua sut.

Co poss jau tadlar emissiuns da radio en l'internet?

Vus avais pliras pussaivladads. Dapertut nua che vus vesais in simbol d'in autpledader pudais vus tadlar ina contribuziun u in'entira emissiun. Audios chattais vus tar las novitads, tar dossiers ubain er tar las singulas emissiuns.

Cun tge program pos jau tadlar emissiuns da radio?

Per pudair tadlar las emissiuns da radio en l’internet duvrais vus in browser che sustegn Flash. Quai vala per tut ils cuntegns ch’èn vegnids publitgads davent dal fanadur 2010. Per ordinari è il Flash Player gia installà sin voss computer. Sche quai n’è betg il cas, lura pudais telechargiar quel qua: http://get.adobe.com/de/flashplayer/

Per emissiuns pli veglias dovra quai il RealPlayer. Il RealPlayer pudais vus telechargiar da la pagina http://de.real.com/realplayer/. Là datti ina versiun gratuita per telechargiar.

Tge emissiuns/contribuziuns poss jau tadlar en l'internet?

- Artg musical
- bunadumonda.ch
- Cultura
- Da camifo
- Da num e da pum
- Economia
- En cuschina
- Forum
- Gratulaziuns
- Impuls
- Istorgia ed istorgias
- La discussiun
- La marella
- La truvaglia
- Magazin d'infurmaziun
- Or da l’archiv
- Preziosa litterara
- Profil
- Quarta lingua
- Resun
- Sport
- Tranter stailas
- Vita e Cretta
- Vualà

Co poss jau arcunar in audio sin l'agen computer?

Pervi da motivs dal dretg d'autur na pon datotecas d'audio betg vegnir arcunadas. Excepziuns èn ils podcasts.

Poss jau far in link sin audios dal Radio Rumantsch?

Quai pudais vus far cun far in link sin la pagina correspundenta. Nus as supplitgain dentant d'inditgar la funtauna «© Radio Rumantsch». Nus essan leds sche vus annunziais a nus per e-mail las indicaziuns davart il link sin noss cuntegns.

Quant ditg restan ils audios sin l'internet?

Ils audios restan per ordinari differents onns accessibels.

Co poss jau guardar videos en l'internet?

Vus avais pliras pussaivladads. Dapertut nua che vus vesais in simbol d'ina televisiun pudais vus guardar ina contribuziun u in'entira emissiun da televisiun. Videos chattais vus tar u tar las novitads ubain era sut las singulas emissiuns.

Cun tge program poss jau guardar emissiuns da televisiun?

Per pudair guardar las emissiuns da la televisiun en l’internet duvrais vus in browser che sustegn Flash. Quai vala per tut ils cuntegns ch’èn vegnids publitgads davent dal fanadur 2010. Per ordinari è il Flash Player gia installà sin voss computer. Sche quai n’è betg il cass, lura pudais telechargiar quel qua: http://get.adobe.com/de/flashplayer/

Per emissiuns pli veglias dovra quai il RealPlayer. Il RealPlayer pudais vus telechargiar da la pagina http://de.real.com/realplayer/. Là datti ina versiun gratuita per telechargiar.

Quant ditg restan ils videos sin l'internet?

Ils videos restan per ordinari differents onns accessibels.

Co poss jau arcunar in video sin l'agen computer?

Pervi da motivs dal dretg d'autur na pon datotecas da video betg vegnir arcunadas. Excepziuns èn ils podcasts.

Poss jau far in link sin videos da la Televisiun Rumantscha?

Quai pudais vus far cun far in link sin la pagina correspundenta. Nus as supplitgain d'inditgar la funtauna «© Televisiun Rumantscha». Nus essan leds sche Vus annunziais a nus per e-mail las indicaziuns davart il link sin noss cuntegns.

Tge format han las datotecas sin rtr.ch?

Las datotecas che vegnan publitgadas sin la pagina rtr.ch han per il pli il format da PDF.

Tge dovr jau per pudair avrir questa datoteca?

Per pudair avrir ina datoteca en il format da PDF stuais vus avair installà l'Adobe Reader. Las datotecas vegnan messas en quest format, per che la datoteca vesia ora tar tut ils utilisaders tuttina.

Nua poss jau telechargiar il program?

Il program Adobe Reader pudais vus telechargiar gratuitamain sin la pagina http://www.adobe.com/de/products/acrobat/readstep2.html.