Siglir tar il cuntegn

Header

cuntegn

Interpresa RTR Cun la Microlotta a la festa dal vin a Maiavilla

Sonda e dumengia, ils 23 e 24 da settember 2017 s’entaupa il Grischun a Maiavilla a la festa dal vin. E RTR è da la partida. A la festa dal vin pon ins flanar tras il martgà d’atun, giudair ils vins regiunals en ils torchels e tadlar musica populara e da diversas uniuns da musica.

Sin il Städtliplatz gist avant la chasa municipala sa preschenta la chasa da medias rumantscha cun la Microlotta. Ella porscha ina survista multifara da la purschida da RTR. La sonda suentermezdi dat la directura, Ladina Heimgartner, a Vus la pussaivladad da tschentar dumondas tar il program e la lavur quotidiana da RTR. Durant ils dus dis pon las visitadras ed ils visitaders sa profilar cun lur savida en connex cun sensaziuns musicalas e sa participar al “hits-quiz”, engiavinar in dals hits tar RTR e gudagnar.

La Microlotta, in vegl bus cotschen alv
Legenda: La Microlotta sin via tar Vus. RTR

La Microlotta sin il Städtliplatz

  • So 23-09-2017, da las 10.00 fin las 17.00
  • Du 24-09-2017, da las 10.00 fin las 17.00

Artitgels legids il pli savens