Ils 13 da mars 2016 emetta Radiotelevisiun Svizra Rumantscha (RTR) da las 06:00 fin las 12:00 directamain dal maraton da skis engiadinais. RTR accumpogna la cursa e porscha impressiuns ed istorgias dal start la damaun a Malögia enfin l’arrivada a S-chanf. E quai cun in radio triling per rumantsch, tudestg e talian.
Rumantsch, tudestg e talian: Cura ch’i vegn rapportà tar RTR en trais linguatgs èsi temp dal radio maraton. Durant l’emissiun speziala «radio maraton» rapportan Sergio Guetg (rumantsch), Adriano Iseppi (tudestg) e Valentina Parolini (talian) da las preparaziuns, dal culp da partenza, dals victurs e dals resultats. Tge capita sin la loipa e nua è l’elita? Tut quai ed anc dapli datti d’udir tranter las 06:00 – 12:00 tar il Radio Rumantsch e sin rtr.ch.