In mund magic: RTR a la festa d'uffants a Laax

En in mund magic spetgan ils uffants ed er ils creschids paraulas rumantschas e musica dal ghitarrist Marco Grischott. Marionna Lombriser e Sandra Carisch-Killias raquintan istorgias e chantan chanzuns per uffants. Ellas mainan ils uffants en in mund plain magia.

Laschar ir video «Festa d'uffants a Laax»

Festa d'uffants a Laax

1:28 min, Actualitad video dals 22.7.2017

Lilli e squamet e La chapitscha cotschna: Sonda e dumengia, ils 22 e 23 da fanadur 2017 pon ils uffants sfundrar en in mund magic. RTR è a la festa d'uffants a Laax cun ina tenda, paraulas e musica per pitschen e grond.

Tut ils uffants pon sa vestgir en bellezza costums da figuras fabulusas e laschar fotografar. La fotografia po alura mintga uffant prender a chasa sco regurdientscha da quai di magic a Laax.

Ir cun il canu, giugar da marangun ubain rampignar si dad ina planta – quai è la festa d’uffants a Laax. Quista fin d’eivna ha lieu quella per la 18avla giada. In magnet per uffants da l’entira regiun e conturn. Ils organisaturs fan quint, cha passa 3'000 uffants visiteschan la festa d’uffants. Quels han la pussaivladad da sfugar sin radund 50 stans enturn il lai da Laax.

In mund magic a Laax sper il lag:

SONDA, ILS 22-07-2017

  • 11:00 ROSA TAR ILS PIRATS
  • 13:00 LILLI E SQUAMET
  • 15:00 LA CHAPITSCHA COTSCHNA

DUMENGIA, ILS 23-07-2017

  • 11:00 LILLI E SQUAMET
  • 13:00 LA CHAPITSCHA COTSCHNA
  • 15:00 ROSA TAR ILS PIRATS