Lavuratori FAR MEDIAS

Il lavuratori dat a persunas che vulan far in praticum u che s'interessan per ina plazza la pussaivladad d'emprender a conuscher la chasa RTR. La finamira è da far ina contribuziun per radio u in film per multimedia, da sclerir dumondas persunalas e da sa recumandar sco futurA collavuraturA.

Esser in di schurnalista u schurnalist tar RTR

2:07 min, dals 2.12.2015

Il lavuratori FAR MEDIAS sa drizza a:

  • Persunas che han gust ed interess per il mund da medias (radio, TV e multimedia).
  • Absolventas da la maturitad gimnasiala u maturitad professiunala che s'interessan per in praticum u stage è il lavuratori obligatori e vala sco emprim pass per sa recumandar sco futura praticanta e proxim stagiaire.
  • Interessents cun ina scolaziun solida ed experientscha da lavur, che tschertgan ina plazza sco redactura u moderatur porscha il lavuratori in’invista en la lavur dal mintgadi schurnalistic e furnescha bleras infurmaziuns per in’eventuala decisiun da midar professiun.

Program dal lavuratori FAR MEDIAS

  • in curt input teoretic “Tge è schurnalissem?”
  • lavur individuala: producir ina contribuziun/novitad da radio
  • lavur en gruppa: producir ina contribuziun/film per multimedia
  • discurs persunal (intervista) ed elavurar in questiunari (savida generala)
  • infurmaziuns sur da las pussaivladads da lavur che RTR porscha
  • gentar cuminaivel

Datas
2 giadas l'onn / matg e november
ina sonda da las 8.30 – 17.30
Ils proxims lavuratoris FAR MEDIAS han lieu:
18 da november 2017
26 da matg 2018
17 da november 2018

Lieu en chasa RTR, Via da Masans 2, Cuira

Cundiziuns

  • vegliadetgna almain 18 onns
  • min. 4 / max. 8 participantas e participants
  • il lavuratori far medias è gratuit
  • annunzia giavischada fin il pli tard duas emnas avant il lavuratori

Organisaziun post da scolaziun e furmaziun
prisca.bigliel@rtr.ch ed isabella.wieland@rtr.ch