Siglir tar il cuntegn

Header

cuntegn

Plazzas e scolaziun RTR – in bun patrun da lavur

RTR è in patrun innovativ e conscient da sia responsabladad. RTR porscha cundiziuns d’engaschament e da lavur attractivas. Il persunal da RTR profitescha dal bun e modern contract da lavur collectiv da la SRG SSR che resguarda il principi da l’egualitad.

  • Ura.
    Legenda: Ura. Dreamstime

    Temp da lavur

    40 uras l’emna sin basa dal model dal temp da lavur annual

  • Persuna sin in hamac.
    Legenda: Persuna sin in hamac. Dreamstime

    Vacanzas

    27 dis da vacanzas, 32 dis da vacanzas (> 50 onns), 37 dis da vacanzas (> 55 onns)

  • Dunna cun in uffant sin bratsch vi dal lavurar.
    Legenda: Lavur parziala. Dreamstime

    Lavur parziala

    En il rom da las pussaivladads sustegna e promova RTR la lavur parziala cun differents models da lavurar. 72% dal persunal ha in pensum da lavur da 80-100%, 13% dal persunal ha in pensum da lavur da 50-79%, 4% dal persunal ha in pensum da lavur da 30-49% e 11% dal persunal ha in pensum da lavur fin 29%

  • Famiglia cun dus uffants pitschens ed in chaun.
    Legenda: Famiglia cun dus uffants pitschens ed in chaun. Dreamstime

    Supplement d’uffants e da famiglia

    CHF 225 per mais (fin 16 onns), CHF 270 per mais (uffants en scolaziun fin max. 25 onns), CHF 1’300 per onn (supplement da sustegn pro famiglia)

  • Manadra dad ina canorta che prelegia in cudesch als uffants.
    Legenda: Canorta d'uffants. Dreamstime

    Tgira d’uffants ordaifer la famiglia

    Mammas e babs pon inoltrar ina dumonda per sustegn finanzial per la tgira da lur uffants ordaifer la famiglia (p.ex. canorta, confamigliars u mamma dal di). RTR metta a disposiziun mintg’onn total CHF 20’000.

  • Trais babs che van a spass cun charrotschas d'uffants.
    Legenda: Trais babs che van a spass cun charrotschas d'uffants. Dreamstime

    Congedi da maternitad/paternitad

    16 emnas per mammas, 10 dis per babs

  • Chartas da cassas da malsauns.
    Legenda: Assicuranza da malsauns e d'accident. Keystone

    Assicuranza da malsauns e d’accident

    Malsogna u accident: da princip 100% da la paja fin 2 onns (730 dis), accident: segirà privat

  • Duas persunas pensiunadas sin in banc.
    Legenda: Duas persunas pensiunadas sin in banc. Pixabay

    Cassa da pensiun

    La cassa da pensiun SRG SSR (PKS) è ina fundaziun da prevenziun autonoma. Ella gerescha ina facultad da 3 milliardas francs ed ha radund 6’700 persunas segiradas e 2’200 rentas.

  • Collavuraturs da RTR.
    Legenda: Collavuraturs da RTR. RTR

    Fatgs tar il persunal

    174 collavuraturas e collavuraturs, 41.6 onns è la vegliadetgna media dal persunal, 48% dunnas / 52% umens, 10.7 onns resta in collavuratur en media tar RTR, 20% èn fitg cuntents cun la lavur, 72% èn cuntents e 8% main cuntents

Artitgels legids il pli savens