Siglir tar il cuntegn

Header

La part la pli enconuschenta da la Regiun Surselva.
Legenda: La part la pli enconuschenta da la Regiun Surselva. RTR, Gion Hosang
cuntegn

Surselva Il rument da la Surselva vegn rimnà a Plaun Grond

La Regiun Surselva organisescha la rimnada ed il recicladi dal rument da la Surselva. Quella incumbensa da la corporaziun da vischnancas è forsa la pli enconuschenta tar la populaziun.

Conrad Lutz, manader da la deponia Plaun Grond.
Legenda: Conrad Lutz, manader da la deponia Plaun Grond. RTR, Gion Hosang

Ils satgs verds cun il rument da chasa vegnan transportads tar la deponia a Plaun Grond a Rueun. Mo, auter che avant il 2000, na vegnan quests satgs betg deponids là. Els vegnan transportads a Vaz Sut per laschar brischar.

Per tonna rument resta anc enavos 200 kilos tschendra e material che n'è betg brischà, declera il manader da la deponia Conrad Lutz. Quest material vegn puspè transportà enavos a Plaun Grond e lura deponì. La deponia actuala stima el sin 18 meters autezza e ch'ella ha plaz per var 180'000 meters cubic material.

audio
Mezdi: 50 onns Regiun Surselva – recicladi
ord Actualitad dals 21.09.2017.
laschar ir. Durada: 3 minutas 2 Secundas.
Pli baud avevan ins la tendenza da sutterrar tut quai ch'ins na saveva betg pli tge far cun tut
Autur: Conrad Lutzmanader da la deponia

Conrad Lutz, che lavura dapi 21 onns en la deponia, ha pudì persequitar in grond svilup quei che pertutga il reciclar. Ozendi vegnia zavrà e reciclà tut quai ch'è pussaivel. Quai cumenza tar apparats electronics, vaider, plastic, metal, fin tar lain e materials da construcziun. «Pli baud avevan ins la tendenza da sutterrar tut quai ch'ins na saveva betg pli tge far cun tut», declera el.

Legenda:
Rument en Surselva rapports da gestiun da la Regiun Surselva

RR actualitad 11:00

Artitgels legids il pli savens