Siglir tar il cuntegn

Header

cuntegn

Allegra Vorarlberg… Il Simplon è en il Vorarlberg

La firma Simplon producescha velos, velos d’auta qualitad. La firma n’ha betg mo tschernì il num d’in pass svizzer, mabain era las parts ch’ì dovra per far in velo exclusiv.

Il Vorarlberg è il «fahrradfreundlichste Bundesland Österreichs». Mintga Vorarlberger ha almain in velo. Ma betg mintga Vorarlberg ha in velo da la firma Simplon. Questa firma fa velos exquisits e d’auta qualitad. Nomen est omen ed uschia dovra la firma Simplon be parts da megliera qualitad per ses velos. Tranter auter retira la firma dal Vorarlberg era parts da la Svizra.

Ralf Kessler e Stefan Vollbach da la firma Simplon.
Legenda: Ralf Kessler e Stefan Vollbach da la firma Simplon. RTR/ORF/Ch. Suter

Mintga velo in unicat

Mintga velo vegn producì tenor giavischs dal client. I dat millis variantas da velos. Sa spezialisada è la firma sin velos da cursa. Per in velo da cursa da la marca Simplon sto il client pajar tranter 2'500 e 10'000 euros.

Dapi intgins onns produceschan els dapli e dapli e-bikes. E qua vala: la paisa dal velo è pli decisiva ch’il pretsch. Uschia han els sviluppà in velo electric che paisa main che 20 kg.

Artitgels legids il pli savens