La «politbox» - e tge ch'ella è...

La offerta digitala da la SRG SSR per las elecziuns naziunalas.

Laschar ir video «La politbox è lantschada»

La politbox è lantschada

2:30 min, Telesguard dals 4.5.2015

Examinar la savida generala tar la Svizra, provocar ils agens amis e daventar ina part d’ina communitad speziala – sin il smartphone, ma era en la vita reala. Quai èn las finamiras da la «politbox», la nova app da quiz che la SRG SSR endrizza per las elecziuns naziunalas 2015.

app en 5 linguas

La app «politbox» è disponibla dapi l’entschatta da matg en las quatter linguas naziunalas ed en englais. Tgi che vul, po sa mesirar en dumondas tar la politica e la societad svizra.

il gieu en versiun rumantscha sin in ipad Avrir maletg en lightbox.

Legenda da maletgs: Giugar en rumantsch cun sa registrar en rumantsch. RTR, A. Camartin

S'annunziar per la versiun rumantscha

Per la versiun rumantscha èsi da selecziunar la lingua tar la registraziun. Lura cumpara il quiz cun tut las dumondas e respostas en rumantsch tar il proxim start (guarda il manual en la box «Co far rumantsch?»)

Sper las dumondas da savida pon ins era s’exprimer tar temas actuals. Questa furma da retschertga lubescha da mesirar il puls da la communitad, ses giavischs e quitads.

Politbox on tour

Cun in bus giain nus ensemen collegas da SRF, RTS, RSI e SWI crusch e travers tras la Svizra ed ans fermainen las pli differentas regiuns da la Svizra. Quai pudais mesirar vossa savida ensemen cun auters participants a la «politbox».

foto da gruppa avant il bus e la chasa federala Avrir maletg en lightbox.

Legenda da maletgs: Marguerite Meyer e Konrad Weber (SRF), Sophie Badoux (RTS), Adrian Camartin (RTR), Veronica De Vore (SWI) ed Alex Ric... politbox.ch

Questas fermadas en las regiuns vegnan mintgamai emessas live via rtr.ch/politbox. Moderaturas e moderaturs da la SSR SRG preschentan là l'emissiun. Las staziuns vegnan publitgadas mintgamai sin l'atgna pagina da la politbox.

Ils Tweets da la #politbox