79 persunas mortas u sparidas tar l'incendi en il Grenfell Tower

Tenor la polizia èn entant 79 persunas mortas u sparidas. I saja però da far quint che quel creschia vinavant.

Purtret da pumpiers davant il Grenfell Tower. Bild in Lightbox öffnen.

Legenda da maletgs: Er pumpiers ed auter persunal da cas d'urgenza han fatg part a la minuta da silenzi per las unfrendas. Keystone

Fin ussa vegniva discurrì da 58 unfrendas. Tenor rapports vivevan tranter 400 fin 600 persunas en la chasa da 24 auzadas. Uss è il dumber vegnì curregì sin 79 unfrendas. La polizia spetga che quest dumber pudes anc adina crescher, dentant betg uschè ferm sco ils ultims dis. Enfin ussa sajan tschintg da las unfrendas identifitgadas. L'identificaziun saja fitg greva ed i possia anc cuzzar dis enfin ch'ils pumpiers hajan cuntanschì tuttas abitaziuns.

Pervia da la catastrofa stat la regenza da la primninistra, Theresa May sut squitsch. Ad ella vegn rinfatschà d'avair ignorà cussegls, suenter in incendi il 2013. Da mezdi hai dà ina minuta da silenzi per sa regurdar da las unfrendas.

RR novitads 14:00