Antonio Tajani succeda a Martin Schulz
Il parlament da l'Uniun Europeica ha elegì il talian Antonio Tajani da la EVP - la partida populara d'Europa - sco nov president. Tajani daventa successur da Martin Schulz dals Socialdemocrats.
Elecziun en il quart scrutini
En ina elecziun decisiva ha Antonio Tajani fatg la cursa encunter ses cumpatriot Gianni Pitella dals Socialdemocrats. Tajani ha 63 onns ed ha fatg en il quart scrutini 351 vuschs. El fa part da la partida Forza Italia da l'anteriur primminister talian Silvio Berlusconi.