Auto sin la Champs-Elysées pitga en in auto da polizia

A Paris è in um armà sco para charrà da bugen en in auto da polizia. L'um è mort.

Purtret d'autos da polizia e l'auto dal delinquent. Bild in Lightbox öffnen.

Legenda da maletgs: Sin la Champs Elysées a Paris hai dà in'attatga. Reuters

  • Sin la Champs Elysées a Paris è in um armà charrà cun ses auto en in auto da polizia.
  • Suenter la collisiun ha l'auto dal um cumenzà ad arder.
  • Il manischunz è mort, ha ditg il minister da l'intern Gérard Collomb. El ha discurrì d'ina emprova per in'attatga. L'um haja gì cun el material explosiv ed armas.

Persunas n'èn naginas ulteriuras vegnidas blessadas. Il investigaders supponan ch'i saja stà in'attatga sappientiva. I vegn investigà sco in act da terror. Motivs che stattan davos l'attatga n'èn anc betg clers.

En l'auto che ha brischà ha la polizia chattà buttiglias da gas. Plinavant sajan era pliras buis da Kalaschnikow e pliras armas da maun stadas en l'auto, quai tenor indicaziuns da la polizia. L'emettur da televisiun BFM rapporta che l'attatgader saja stà enconuschent a la polizia.

La polizia ha serrà giu il lieu cun in'acziun gronda. La polizia ha supplitgà sin Twitter da guntgir il lieu.

Gia l'avigl hai dà in sajettim

L'avigl passà aveva gia in um sajettà sin polizists a la Champs Elysées. Quel ha mazza uschia in polizist avant ch'el è sez vegnì sajettà giu.

RR novitads 20:00