Exteriur - Connex tranter virus Zika e microcefalia
Scienziads en ils Stadis Unids da l'America han tenor atgnas indicaziuns chattà l'emprima cumprova per in connex biologic tranter il virus da Zika e la microcefalia, in chau pli pitschen che normal. Els han preschentà lur resultats en la revista spezialisada Cell Stem Cell.
Tests da labor hajan mussà ch'il virus Zica attatga cellas ch'èn participadas al svilup dal tscharvè, ha declerà in dals co-auturs. Il virus mettia ord funcziun questas cellas. - Il virus da Zika regna il mument en spezial en l'America dal sid. Pertutgà fermamain è la Brasilia.
