Siglir tar il cuntegn

Header

cuntegn

Exteriur Corea dal Nord ha tratg danovamain ina racheta

Malgrà pliras resoluziuns da l'ONU ha la Corea dal Nord puspè tratg ina racheta e grittentà uschia ses vischins e la communitad internaziunala.

La racheta saja stada ina racheta a curta distanza ch’è ida suenter sis minutas giu en la mar communitgescha l'armada americana.

Giapun è sa grittentà e vul mesiras diras

Ina racheta ballistica ...

Avrir la box Serrar la box
Legenda: Keystone

... è per regla ina racheta militara, che sgola tenor las reglas fisicalas da la ballistica tar sia destinaziun. Il traject da sgol è pli u main sco quel dad in projectil, scriva Wikipedia. Las rachetas pli precisas tutgian sin 200 m, las main precisas sin 20 km. Tar tgeninas che las nordcoreanas (maletg) tutgan, n’è betg enconuschent publicamain.

Il Giapun ha annunzià da vulair reagir a moda dira. Paucas uras suenter il nov test da racheta ha ditg il schef da regenza giapunais, Shinzo Abe, che las set naziuns industrialas las pli pussantas GZ hajan decidì la fin d’emna passada da tractar la Corea dal Nord cun top-prioritad.

En collavuraziun cun ils Stadis Unids vegn il Giapun a prender mesiras cleras per decuraschar la Corea dal Nord.

Pjöngjang na sa lascha betg impressiunar da l'ONU

Pjöngjang aveva tratg ils 21 da mai l’ultima racheta a mesa distanza en la mar. Pir l’emna passada aveva declerà il reschim nordcorean da pudair ir en producziun da seria cun ina racheta ballistica a mesa distanza.

Uschia ha la Corea dal Nord cuntrafatg danovamain a las resoluziuns da l’ONU, che scumondan a la Corea dal Nord test da rachetas cun tecnica da rachetas ballistica.

RR novitads 06:00

Artitgels legids il pli savens