Siglir tar il cuntegn

Header

cuntegn

Exteriur Dischoccupaziun mundiala è creschida l'onn passà

Malgrà che l'economia crescha ferm en intgins stadis industrials, datti adina dapli persunas senza lavur en l'entir mund: l'onn passà èn passa 197 milliuns persunas stadas senza lavur, scriva l'Organisaziun da lavur internaziunala.

Duas raschuns numna l’organisaziun per l’augment mundial da dischoccupaziun: primo la digren da la conjunctura en novs pajais industrials ed en pajais da svilup, secundo il regress dals pretschs da materias primas.

Dischoccupaziun crescha er ils proxims dus onns

Per l’onn actual prognostitgescha l’Organisaziun da lavur internaziunala in augment da 2,3 milliuns persunas dischoccupadas (total 199,4 milliuns). Per il 2017 spetgan ils experts lura in creschament main ferm, ma tuttina 1,1 milliuns dapli.

Ultra da quai avertescha l’organisaziun che quest svilup pudessi chaschunar tumults socials en intgins cas.

L'Organisaziun da lavur internaziunala è ina organisaziun spezialisada aifer l'ONU.

RR novitads 22:00

Artitgels legids il pli savens