Siglir tar il cuntegn

Header

cuntegn

Exteriur Enquista: Clinton davant Trump

En il cumbat per il presidi dals Stadis Unids ha Hillary Clinton pudì engrondir levet ses avantatg envers Donald Trump.

En l'enquista actuala da l'agentura da novitads Reuters e da l'institut demoscopic Ipsos vegn Trump sin 37% da las vuschs, la democrata Clinton sin 45%. Quatter emnas avant l'elecziun ha la democrata uschia 8% avantatg sin il republican.

L'emna passada era quai anc in avantatg da 5%. 18% da las persunas dumandadas han inditgà da sustegnair nagin dals dus candidats.

L’enquista è vegnida manada tras suenter il segund duel dals dus contrahents en la televisiun. Da las persunas dumandadas, ch’han almain persequità la debatta per part, èn 53% stads da l’avis che Hillary Clinton haja gudagnà il duel. Per 32% è Donald Trump stà il victur.

RR novitads 06:00

Artitgels legids il pli savens