Las ambiziuns da televisiun da Facebook èn sco i para pli grondas ch'enconuschent fin ussa. Il pli grond portal d'internet dal mund vul vegnir cun ses agens cuntegns da televisiun sin sia plattafurma, quai scriva la gasetta «Wall Street Journal».
Facebook veglia investir fin 3 milliuns dollars per seria. En vista haja il concern en spezial persunas en la vegliadetgna tranter 17 e 30 onns. Cun crear in agen program da televisiun fa Facebook concurrenza a las televisiuns classicas sco er als servetschs da streaming Netflix u Amazon.
