Siglir tar il cuntegn

Header

cuntegn

Exteriur Gia 10 arrestaziuns en connex cun l'attatga da Manchester

Cun ina minuta da silenzi vegn la Gronda Britannia a sa regurdar oz da las unfrendas da l'attatga da Manchester. Quella duai era exprimer la solidaritad cun ils blers blessads.

Mesemna ha la polizia britannica ditg ch'i saja cleramain da quintar ch'ina gruppaziun haja sustegnì l'attentader. En tut èn uss 10 persunas en arrest. Ina dunna gia arrestada è puspè vegnida libra senza plant. Ed en la Libia ha la polizia arrestà il bab ed il frar da l'attentader.

Gronda Britannia auza il grad d'alarm sin il pli aut

In'ulteriura attatga possia capitar proximamain. Ins na possia betg excluder ch'ina pli gronda gruppa da persunas stettia davos l'attatga a Manchester ha ditg May suenter in'ulteriura seduta da crisa. La polizia survegnia en l'entir pajais sustegn da l'armada. Uschia sajan pussaivlas dapli patruglias. La polizia emprovia uss principalmain da chattar or sch'igl attentader haja agì persuls u sch'el ha anc gì cumplizis.

La milissa terroristica Stadi Islamic ha surpiglià la responsabladad per l'attatga. Quai dentant senza mussaments.

Ier saira hai dà a Manchester pliras occurrenzas commemorativas per ils 22 morts ed ils 59 blessads da l'attatga da suicidi da glindesdi.

RR novitads 20:00

Artitgels legids il pli savens