Grevas malauras en il Peru

Tschientmillis da Peruans èn pertutgads da malauras. Plirs tozzels èn morts.

Laschar ir video «Inundaziuns en il Peru»

Inundaziuns en il Peru

0:46 min, dals 20.3.2017
  • Il fenomen climatic «El Niño» ha cun inundaziuns e bovas devastà parts dal pajais.
  • Dapi l'entschatta da l'onn èn almain 75 persunas mortas pervi da malauras.
  • Tschientmillis èn pertutgads. Millis han pers lur dachasa.
  • Ina fin da las malauras n'è betg en vista.

Pervi da grevas inundaziuns en il Peru ha la regenza a Lima proclamà il stadi d'urgenza per circa la mesadad dal pajais.

Tenor las autoritads èn almain 72 persunas mortas fin ussa. Passa in mez milliun hajan ins stuì metter en segirtad.

En il territori tranter la costa e las Andas hai dà numerusas bovas. En la chapitala Lima èn las vias sa transfurmadas en flums furibunds.

La raschun per las inundaziuns è plievgia cuntinuanta. Pervi dal fenomen da l'aura «El Niño» è la temperatura da la mar creschida fermamain avant la costa dal Peru.

RR novitads 21.00