Siglir tar il cuntegn

Header

cuntegn

Exteriur Ils Grecs decidan davart lur avegnir

En Grezia decidan oz bunamain 10 milliuns davart il referendum decisiv tar las pretaisas da spargn dals crediturs internaziunals. Il resultat vegn spetgà cun tensiun pertge las ultimas retschertgas mussan ina cursa piz a cup tranter ils dus champs.

Suenter che las tractativas cun ils crediturs internaziunals han fatg naufragi vala il votum da la populaziun sco impurtant signal per la cooperaziun futura cun ils crediturs internaziunals.

Il referendum davart il qual ils Grecs decidan: «Oxi» (na) und «Nai» (gea) e la dumonda.
Legenda: Il referendum davart il qual ils Grecs decidan: «Oxi» (na) und «Nai» (gea) e la dumonda. Keystone

Il text dal cedel da votaziun sa numna: «Duai il plan communabel da la Banca centrala europeica, la cumissiun da l'UE ed il Fond monetar internaziunal ch'è vegnì proponì ils 25 da zercladur vegnir approvà?»

Emprims resultats a las 20:00

La regenza greca cumbatta per in na e smanatscha da sa retrair sch'il pievel accepta la proposta dals crediturs. Ils locals electorals èn averts da las 06:00 fin las 18:00. Cun emprims resultats vegn spetgà questa saira a partir da las 20:00. Per ch'il resultat saja però valaivel ston almain 40% dals Grecs ir a l'urna.

RR novitads 06:00

Artitgels legids il pli savens