Siglir tar il cuntegn

Header

cuntegn

Exteriur Ina schlepra suenter l'autra per Trump

Dretgira suenter dretgira refusa il stop d'entrar en i pajais da Trump. Uss vul il ministeri da dretgira ina decisiun finala. La dretgira suprema duai sa fatschentar cun il decret. Qua giaja per la pussanza dal president.

Suenter in ulteriur naufragi avant dretgira è ussa cler: Il decret dispitaivel dal president american, Donald Trump che duai excluder persunas da sis pajais d'entrar ils Stadis Unids vegn avant la dretgira suprema, la pli auta instanza. Gia avant aveva ina dretgira dal stadi Virginia mantegnì ina decisiun da l'emprima instanza che metta ord funcziun il decret il mument.

Il minister da giustia, Jeff Sessions ha communitgà la gievgia da vulair cuntinuar il cumbat per defender la pussanza e per las obligaziuns da la regenza. Perquai il pass davant la dretgira suprema.

Seria da naufragi davant dretgiras

La regenza dals Stadis Unids ha gia pers intgin cas avant dretgira pertutgant la lescha che duai excluder persunas da sis pajais per il pli islamics per 90 dis. Trump aveva relaschà il decret per questa lescha gia in'emna suenter che sia perioda d'uffizi ha cumenzà. Cun quest decret ha el chaschunà gronda confusiun als eroports. Tuttenina n'era betg pli cler tgi che po entrar en il pajais e tgi betg.

Pauc pli tard ha ina dretgira a Seattle lura mess ord funcziun la lescha. Sinaquai ha la regenza flaivlentà la lescha, uschia pertutga ella mo pli sis empè da set pajais. Ma er questa varianta n'è betg vegnida tras las dretgiras.

RR novitads 06:00

Artitgels legids il pli savens