Enfin il pli tard il 2035 duai esser finì cun l'energia da charvun. Quai han ils ministers d'energia da la G7 – las set principalas pussanzas economicas democraticas – decis a ses inscunter suprem ch'ha lieu quest onn a Turin, en l'Italia. L'inscunter ha cumenzà glindesdi, ils 29 d'avrigl ed cuzza trais dis.
Quai saja tenor in represchentant da la Gronda Britannia ina cunvegna istorica. Per l'emprima giada han ils set stadis communitgà in data che duai marcar la fin da l'energia da charvun. Ina tala cunvegna n'ha anc betg pudì vegnir fixada ils onns avant. Cun quai pass impurtant tramettian ils stadis dals G7 in signal al mund. En il decurs dal mardi, ils 30 d'avrigl, vul la gruppa dals G7 concretisar e finalisar questa decleraziun communabla.
Decleraziun cunter il commerzi cun drogas
Ils schefs da stadi e da regenza dals G7 vulan ultra da quai cumbatter a moda pli decisa il commerzi cun drogas. Els han perquai decis ina decleraziun communabla. Quella vul scummandar il commerzi cun drogas e confiscar ils gudogns ch'i dat entras activitads illegalas. Ultra da quai vulan ils G7 impedir dependenzas da drogas – cunzunt tar persunas giuvnas.
