Tar in'attatga ord l'aria israeliana sin la regiun da Golan en Siria èn pliras persunas vegnidas mazzadas. Tenor il post d'observaziun sirian per dretgs umans èn morts 2 commembers da la milissa libanaisa Hisbollah e 3 ulteriurs cumbattants.
Er in emettur da televisiun libanais rapporta da quest'attatga. Il schaner e l'avrigl duain plirs cumbattants da la Hisbollah esser vegnids mazzads tar sumegliants bumbardaments.
En la guerra civila da la Siria cumbatta la Hisbollahh da la vart da la truppas dal president Baschar al-Assad.
