Siglir tar il cuntegn

Header

cuntegn

Exteriur Italia: Protest cunter hotspots per fugitivs crescha

Suenter che plirs millis fugitivs èn arrivads en ils ports da mar en il sid da l’Italia crescha la critica envers crear novs hotspots, uschia vul l’Italia endrizzar 6 ulteriurs hotspots per distgargiar ils 5 centers gia existents.

En quests hotspots vegnan ils fugitivs mintgamai registrads ed identifitgads. In da quests centers è planisà en il port da mar Civitavecchia en il nord da Roma, il president da la citad sa dosta cunter la decisiun. Ed era cunter novs centers a Salerno, Calabria e Sardegna sa furma opposiziun.

L'Italia ha cuntanschì lur cunfin da prender si fugitivs. Els pretendan tranter auter l'avertura dad ulteriurs ports da stadis da l'UE per bartgas da fugitivs. Ils auters stadis da l'UE han fin uss refusà quai.

Quest oz èn arrivads radund 90'000 fugitivs en l’Italia sur la mar mediterrana, quai radund in tschintgavel dapli ch’il medem temp avant in onn. Radund 90% cumenzan il viadi sur la mar da la Libia anora.

RR novitads 10:00

Artitgels legids il pli savens