A Jerusalem hai dà ulteriuras charplinas tranter Palestinais e la polizia israeliana – e quai malgrà ch’ils detecturs da metal dispitaivels a l’entrada dal Munt dal Tempel èn vegnids demontads. 16 Palestinais sajan vegnids blessads, intgins grevamain. Quai rapportan las autoritads localas.
Da confruntaziuns ils ultims dis eran quatter Palestinais vegnids mazzads e plirs tschients blessads. Da l’autra vart aveva in Palestinais mazzà trais persunas en in abitadi israelian en la Cisjordania.
RR novitads 12:00