Josef Ackermann, l'anteriur schef da la Deutsche Bank, sto ir avant ina dretgira tudestga. El sto sa responsar ensemen cun l'actual viceschef da la banca ed ulteriurs managers pervi da engion empruvà en il process Kirch.
Ina dretgira a Minca haja acceptà il plant correspundent, uschia ha ditg ina pledadra da la dretgira. Als managers vegn renfatschà d'avair fatg faussas indicaziuns avant ina dretgira per evitar pajaments d'indemnisaziun als ertavels da l'interprendider da medias Leo Kirch.
