Siglir tar il cuntegn

Header

cuntegn

Exteriur L'UE è pronta per las tractativas dal Brexit

Ils 27 pajais da l’UE èn vegnids d’accord tge pretensiuns ch’els han per il Brexit. L’UE è uschia pronta per l’emprima runda da discussiun cun la Gronda Bretagna davent dals 19 da zercladur.

L'Uniun europeica ha terminà sias preparativas per las contractivas dal Brexit cun la Gronda Britannia. Oz han ils ministers responsabels dà al schef-negoziader da l'UE, Michel Barnier uffizialmain il mandat per sclerir las cundiziuns per sortir da l'UE suenter in partenadi da 40 onns. Quai rapporta l'agentura da novitads dpa.

La finamira è d'avair fin la fin da mars dal 2019 in contract davart las cundiziuns ed ils puncts impurtants pertutgant las relaziuns futuras. Ina da questas finamiras è la cunvegna sur dal quint final per la Gronda Bretagna.

RR novitads 15:00

Artitgels legids il pli savens