Martin Schulz è il nov schef da la SPD tudestga

Cun 100% da las vuschs è el vegnì elegì a chaschun d'in di da partida extraordinari.

Purtret da Martin Schulz. Bild in Lightbox öffnen.

Legenda da maletgs: Martin Schulz è elegì sco nov schef da la partida cun 100% da las vuschs. Keystone

Quai è il meglier resultad ch'in schef da partida da la SPD ha survegnì dapi la fin da la segunda guerra mundiala. Là aveva Kurt Schumacher survegnì 99, 71%, l'onn 1948. Angela Merkel è vegnida elegida il december cun 89,5% sco scheffa da la CDU. Schulz succeda a Siegmar Gabriel. Il di da partida da la SPD ha ultra da quai nominà Schulz sco candidat uffizial per il post dal chancelier tudestg.

«  Ja crai che quest resultat è il cumenzament per conquistar l'uffizi da chanzelier. »

Martin Schulz
Schef da partida da la SPD

Giustia, respect e dignitad

Schulz vul conquistar l'uffizi da chanzelier cun ils motivs principals giustia, respect e dignitad. En ses pled ha el empermess als delegads dapli giustia tar pajas, furmaziun senza taxas davent da la canorta enfin tar il studi, dentant er in agir strict cunter criminalitad quotidiana.

RR novitads 16:00