Exteriur - Obama citescha Nelson Mandela e procura per record da likes
In tweet da l'anteriur president american Barack Obama, en connex cun la violenza mortala a Charlottesville, ha cuntanschì uschè blers likes sco anc mai en l’istorgia da Twitter.
Suenter ils excess en la citad americana da Charlottesville cun ina dunna morta la sonda passada, ha Obama publitgà in citad da l'anteriur president da l'Africa dal Sid Nelson Mandela: «Nagin odiescha da naschientscha ennà insatgi pervi da la colur da sia pel, da sia derivanza u da sia religiun».
