Per firmas che lavuran internaziunal vegni en l'avegnir pli grev da spargnar taglia a moda legala, sco per exempel cun fundar firmas da scaffas da brevs, cun far transacziuns sur ils cunfins e cun transferir ils gudogns en l'exteriur.
L’OECD, l’Organisaziun da cooperaziun e svilup economic en Europa ha preschentà in plan da 15 puncts. Quel duain ils ministers da finanzas dal G20 deliberar gievgia proxima. L’OECD quinta ch'enturn 240 milliardas dollars giajan mintg'onn a perder a las autoritads da finanzas pervi da trics da taglia. Tenor l'organisaziun sustegnan fin uss 62 stadis il plan d'acziun, tranter quels era la Svizra.
