Siglir tar il cuntegn

Header

cuntegn

Exteriur Presidenta Park Geun Hye è vegnida relaschada

En la Corea dal Sid ha la dretgira constituziunala relaschà la presidenta Park Geun Hye da ses uffizi.

Ils derschaders a Seoul han decis da relaschar la presidenta Park Geun Hye ch’era gia vegnida suspendida avant radund trais mais pervi d’in scandal da corrupziun.

En il center dal scandal stat ina persuna da confidenza da Park. Quella duai avair nizzegià sias relaziuns cun Park per s'enritgir entras donaziuns ch'ella ha pudì rimnar grazia a la presidenta.

Decisiun unanima

La decisiun dals ocht derschaders saja stada unanima, ha la parsura derschadra Lee Jung Mi ditg. Il procedere da Park haja donnegià il spiert da la democratia ed il stadi da dretg. Entaifer 60 dis sto ussa vegnir elegì in nov president u ina nova presidenta. La decisiun da la dretgira pudess midar radical la relaziun da pussanza en il pajais da l’Asia da l’Ost.

Tenor ils derschaders èsi cumprovà che Park ha acceptà che sia amia Choi Soon Sil s’ha maschadà en las fatschentas da la regenza. Choi n’ha mai gì in uffizi public.

RR novitads 06:00

Artitgels legids il pli savens