Siglir tar il cuntegn

Header

cuntegn

Exteriur Strategia da clima – terrada per Obama

Il tribunal suprem dals Stadis Unids, il Supreme Court, ha franà ina part centrala da la strategia dal president Barack Obama. Tenor il tribunal ston ils plans per reducir l'emissiun da CO2 en las ovras electricas americanas vegnir sistids, enfin che plirs recurs cunter quests èn examinads.

Per Obama è quai ina greva terrada. Tenor ses «Clean Power Plan» stuess l'emissiun da CO2 vegnir reducida per 32% fin il 2030 cumpareglià cun il 2005. Quai è al medem mument la cumpart principala dals Stadis Unids a la cunvegna da clima da Paris. A quella sa aveva il mund cunvegnì, per cumbatter il midament da clima.

En ils Stadis Unids fan oravant tut quels stadis federativs opposiziun, che produceschan ina gronda part da lur electricitad cun charvun. En tut han 27 stadis federativs e pliras interpresas fatg recurs encunter ils plans dad Obama. L’uffizi presidial american ha dentant intunà, da vulair mantegnair ses cumbat per il clima, rapportescha l’agentura da novitads Reuters.

RR novitads 06:00

Artitgels legids il pli savens