Svezia terminescha investigaziuns cunter Julian Assange

La procura publica lascha crudar las renfatschas. Tuttina smanatscha ad Assange da vegnir arrestà cura ch'el banduna l'ambassada da l'Ecuador a Londra.

Julian Assange. Bild in Lightbox öffnen.

Legenda da maletgs: Julian Assange n'è tuttina anc betg in um liber. Keystone

Suenter investigaziuns da set onns ha la procura publica svedaisa sistì la procedura pervi da violaziun cunter il fundatur da Wikileaks, Julian Assange. Quai ha communitgà la procura publica a Stockholm.

Dapi il zercladur 2012 è Assange en l'ambassada da l'Ecuador a Londra perquai ch'el ha temì da vegnir surdà a la Svezia. Per Assange ha la procedura motivs politics. Il 2010 ha la plattafurma d'internet Wikileaks publitgà 250'000 documents confidenzials d'ambassadas americanas ed uschia distatgà in terratrembel politic.

In um liber n'è Julian Assange anc tuttina betg. La polizia da Londra ha numnadamain annunzià dad arrestar Assange, sch'el bandunia l'ambassada da l'Ecuador.

RR novitads 12:00