Pajais en il nord èn er quest onn sisum la rangaziun sch'i va per la cuntentientscha. Sper la Finlanda han er il Danemarc, l'Islanda e la Svezia pievels cuntents. La Svizra ha pers en cumperegliaziun cun l'onn passà ina plazza ed è da nov sin rang nov.
Legenda:
Las Finlandaisas ed ils Finlandais han bel rir – els èn in pievel cuntent.
Keystone
Per il rapport han ils scienciads resguardà il temp da 2021 enfin 2023 e valità stimaziuns subjectivas da la populaziun. Facturs impurtants per esser cuntent èn tenor las scienciadas tranter auter sustegn social, entradas finanzialas, libertad e nagina corrupziun. Plinavant giogia er la confidenza en la regenza e las instituziuns ina gronda rolla.
Da l'autra vart da la stgala da cuntentientschà è l'Afganistan, tenor il rapport saja il pievel afgan il pli malcuntent dal mund.
| 1. | Finlanda |
| 2. | Danemarc |
| 3. | Islanda |
| 4. | Svezia |
| 5. | Israel |
| 6. | Pajais Bass |
| 7. | Norvegia |
| 8. | Luxemburg |
| 9. | Svizra |
| 10. | Australia |
Or da l'archiv
audio
Cura es Ti ventiraivel?
ord Marella dals 25.02.2018.
Maletg: RTR/ A.Alexandre
laschar ir. Durada: 46 minutas 26 Secundas.
