UBS sto ir avant dretgira en Frantscha

La dispita da taglia tranter la banca svizra UBS e la Frantscha vegn avant ina dretgira franzosa.

Logo. Bild in Lightbox öffnen.

Legenda da maletgs: La banca svizra e las autoritads franzosas n'èn betg perina. I giaja per milliardas euros. Keystone

Suenter retschertgas da passa 5 ½ onns hajan las autoritads franzosas decis da purtar plant cunter la banca. Quai ha communitgà UBS. La banca gronda refusia però vinavant las reproschas.

Tenor la gasetta «JDD» da dumengia na saja la banca svizra betg stada pronta da pajar 1,1 milliardas euros per terminar la dispita. Quai aveva la procura publica proponì.

Las autoritads franzosas renfatschan a UBS d'avair gidà a clients franzos ritgs da zuppentar daners dal fisc. La dispita è ina da las pli grondas dispitas giuridicas anc avertas per la banca svizra.

RR novitads 12:00