Siglir tar il cuntegn

Header

cuntegn

Exteriur UE ed USA appelleschan ad Erdogan da sa moderar

L'Uniun europeica ed ils Stadis Unids han appellà a la Tirchia d'agir moderà cunter ils adversaris da la regenza. Suenter l'emprova dal putsch saja d'evitar ulteriuras unfrendas e da puspè procurar per ruaus, hai num en ina decleraziun communabla.

Democrazia, dretgs umans e fundamentals sco er il dretg da mintgin sin ina faira procedura giudiziala stoppian vegnir respectads. Plinavant vegn fatg cler en la decleraziun che la Tirchia haja be lura vinavant ina perspectiva per in'adesiun a l'UE sch'ella desistia da reintroducir la paina da mort.

La paina da mort n'è betg giud maisa.
Autur: Recep Tayyjp Erdogan president tirc

Malgrà la critica internaziunala vehementa n'è la paina da mort betg giud maisa per il president Recep Tayyjp Erdogan, quai ha el ditg envers l'emettur CNN. I dettia il cler crim dal tradiment, uschia Erdogan sin la dumonda davart reintroducir la paina da mort per tirafils probabels da l'emprova da putsch.

Il president ha plinavant annunzià che la regenza vegnia a far ils proxims dis la dumonda formala als Stadis Unids d'extradir il predicatur Fethullah Güllen. Per Erdogan è el il tira-fils dal putsch malgartegia da la fin d'emna.

RR novitads 23:00

Artitgels legids il pli savens