Siglir tar il cuntegn

Header

cuntegn

Grischun Bilantscha dal Forum da turissem 2017

Ils participants grischuns fan bilantscha positiva dal forum en l'Ötztal.

Il 27avel forum da turissem da las regiuns da las alps è a fin. Radund 220 persunas da 6 naziun en stadas da la partida dal 27 als 29 da mars a Längenfeld en il Ötztal. Quest forum e stà sut il motto «Big Business u smaller is beautiful».

audio
Mezdi: Turissem Ötztal – Tge ha il forum purtà?
ord Actualitad dals 29.03.2017.
laschar ir. Durada: 2 minutas 55 Secundas.

Grond interess per il Forum

Grond affar, ma pitschen è er bel – uschia pudess ins translatar il slogan ch’è stà en il center da quest’ediziun dal forum. 17 different referats èn vegnids preschentads durant quests trais dis. Temas sco digitalisaziun, enconuscher ils giavischs dals giasts, er pitschens pon surviver u er l’acziun da Saas-Fee cun la vendita da cartas da l’onn per 222 francs.

Dapli

Avrir la box Serrar la box

Bunas notas dals participants grischuns

Da la partida èn stads 21 turistichers dal Grischun a Längenfeld. Tuts cun grond interess da chattar respostas sin las dumondas «Co optimar la purschida?» e «Co ademplir meglier ils giavischs dals giast?».

L’inscunter ed il barat dad ideas è stà per blers da gronda impurtanza. Er sch’i n’ha betg dà sin tut las dumondas, ha la gronda part dals preschents dà bunas notas al 27avel Forum da turissem da la regiun da las alps.

RR actualitad 12:00

Artitgels legids il pli savens