Igl è la segunda giada che Mario Cavigelli è president da la regenza dal chantun Grischun. E ses resultat è quella giada in zic meglier che la davosa giada. L'onn 2013 haveva el fatg 104 da 108 vuschs, quella giada 103 da 107 valaivlas vuschs.
Nausch resultat per Jon Domenic Parolini
Ses nov vizepresident Jon Domenic Parolini ha perencunter survegnì mo 75 da 85 valaivlas vuschs. Quai è in main bun resultat. Gea schizunt il mènder dapi l'onn 2000. 33 cedels da vuschar èn vegnids returnads vids ubain na valaivels. Parolini crai, che quai saja stà ina protesta d'insaquants deputads pervi da l'agir da la regenza pertutgant l'areal da la resgia a Domat.
Sch'ins cumpareglia la procentuala da las vuschs per l'elecziun dal vicepresident dals ultims onns, sche ha il burgaisdemocrat Parolini fatg il mender resultat d'almain ils ultims 17 onns. Il segund mender resultat aveva fatg il 2011 ses collega da partida Hansjörg Trachsel. Era el era da lezzas uras al timun dal departement d'economia publica e dals fatgs socials.
Tgi ha fatg quantas vuschs ils ultims onns?
Data elecziun | Prenum | Num | Vuschs | Vuschs valaivlas |
---|---|---|---|---|
2018 | Jon Domenic | Parolini | 116 | 104 |
2017 | Cavigelli | Mario | 103 | 107 |
2016 | Barbara | Janom Steiner | 109 | 111 |
2015 | Christian | Rathgeb | 109 | 112 |
2014 | Martin | Jäger | 89 | 94 |
2013 | Mario | Cavigelli | 104 | 108 |
2012 | Hansjörg | Trachsel | 106 | 110 |
2011 | Barbara | Janom Steiner | 98 | 105 |
2010 | Martin | Schmid | 105 | 107 |
2009 | Claudio | Lardi | 95 | 97 |
2008 | Hansjörg | Trachsel | 94 | 101 |
2007 | Stefan | Engler | 103 | 108 |
2006 | Martin | Schmid | 114 | 117 |
2005 | Claudio | Lardi | 93 | 106 |
2004 | Eveline | Widmer-Schlumpf | 103 | 106 |
2003 | Klaus | Huber | 101 | 107 |
2002 | Stefan | Engler | 115 | 117 |
2001 | Claudio | Lardi | 104 | 104 |
2000 | Eveline | Widmer-Schlumpf | 114 | 114 |
RR novitads 10:00