Chasa Editura Rumantscha cun quint equilibrà

La Chasa Editura Rumantscha (CER) po danovamain preschentar in quint equilibrà cun entradas ed expensas da radund 390'000 francs. Era quest onn è la vendita da cudeschs stada buna.

Anita Capaul cun Rico Valär tar la preschentaziun dal tom da prosa d'Andri Peer. Bild in Lightbox öffnen.

Legenda da maletgs: Anita Capaul cun Rico Valär tar la preschentaziun dal tom da prosa d'Andri Peer. ANR

En il rapport annual accentuescha la manadra da fatschenta da la Chasa editura rumantscha che la vendita è stada il 2016 auta cun passa 3’170 products vendids. Da quels eran 23 en furma digitala, en furma dad e-book. L’onn 2015 eran anc 29 uschenumnads e-books vegnids vendids.

Cuntinuà cun publicaziuns

L’onn passà ha la CER publitgà l’emprim Globi per rumantsch. Ma era in tom da prosa d’Andri Peer ed ina trilogia auditiva da Leo Tuor. Vitiers vegn ina monografia da Luis Coray e Pilo.

Tar ils cussegls editorials vegni ad ina midada. Da nov fa Ursus Beltramia part, perquai che Olivia Pfister sa retira per la fin da l'onn. Sco che la CER scriva vinavant en ses rapport annua,l èn ils associads cuntents cun la cuntinuitad da publicaziuns ed activitads da la Chasa Editura Rumantscha e guarda positiv en il futur.

RR novitads 15:00