Siglir tar il cuntegn

Header

video
Naschientschas en il Grischun
Or da RTR dals 03.05.2016.
laschar ir. Durada: 1 minuta 55 Secundas.
cuntegn

Chantun Cura datti ils pli blers pops en il Grischun?

Tge mais datti las pli bleras naschientschas en il Grischun u cura fan Grischunas e Grischuns l'amur per schendrar ils pops? Tge di da chalender hai dà ils ultims decennis ils pli blers novnaschids?

Nov mais suenter pli grondas festas è franc in temp, nua ch’i dat bleras naschientschas. Silvester vegn festivà mintg’onn. Pia è il settember in mais nua ch’i dat proporziunalmain fitg bleras naschientschas. U betg?

Legenda:
Naschientschas GR tenor mais - 1969-2014 C uffizi federal da statistica

In curt sguard sin las cifras da l’Uffizi federal da statistica tanscha gia – i na dat betg ina clera tendenza. Las mammas en il Grischun n'han betg in mais ch’è cler favurit, sch’i va per il parturir l'uffant. Ma, tuttina datti natiralmain differenzas tranter ils singuls mais.

audio
Gratulaziuns dals 03.05.2016
ord Gratulaziuns dals 03.05.2016.
laschar ir. Durada: 53 minutas 24 Secundas.

Mais top

In sguard sin las cifras da l’uffizi da statistica mussan dentant in’auter maletg. Il fanadur è, guardà sin tut las naschientschas ils ultims 45 onns, il mais cun ils pli blers novnaschids. Munta concret: En il Grischun hai dal 1969-2014 bun 8500 naschientschas il fanadur. Vul pia dir ch'ils pli blers pops vegnan schendrads l'october.

Mais flop

Cumpareglià cun quels ch’èn naschids il fanadur, èn persunas ch’èn naschidas il november quasi ina raritad. Pauc sur 7100 naschientschas hai dà ils ultims 45 onns durant quest mais d’atun.

Ina spendrera metta in cuverta sur il novnaschi.
Legenda: Durant il mais da fanadur hai dà ils ultims 45 onns ils pli blers uffants en il Grischun. Keystone

Cler – mais cun 31 dis èn per il solit, ils mais nua ch’il dumber da naschientschas è pli aut ch'in mais cun 30 u pli paucs dis.

Ma - insumma hai dà en il Grischun a la fin da l'onn las pli paucas naschientschas. Il november è il pli flaivel mais, gist suandà dal december. Daco è quai uschia?

Il medem maletg sa mussa era sch’ins guardà sin l’entira Svizra. Il fanadur è il mais cun las pli bleras naschientschas ed il november il mais cun las pli paucas naschientschas.

Il di il pli popular

Sch’ins na fa betg il tagl cesarian (tagl da Kaiser) è il di da la naschientscha plitost ina casualitad. Uschia èsi er fitg gulivà sch’ins guarda tge dis ch’ils uffants en il Grischun èn naschids ils davos 45 onns.

Legenda:
Naschientschas GR tenor dis - 1969-2014 uffizi federal da statistica

I va si e giu. En il Grischun hai dà las pli bleras naschientschas ils trais dad in mais. Ma quai n'è betg ina statistica fitg signifitganta. Sch'ins guarda numnadamain sin l’entira Svizra, è ils 10 dal mais, il di cun las pli bleras naschientschas.

RR Gratulaziuns

Artitgels legids il pli savens