Siglir tar il cuntegn

Header

cuntegn

Chantun Dialog e stima per possessurs d'abitaziuns secundaras

Solidaritad, stima, transparenza e dialog – sin questas quatter pitgas èn sa cunvegnidas las 13 cuminanzas d’interess grischunas dals possessurs d’abitaziuns secundaras a lur emprima inscunter per barattar lur experientschas. Ussa vulan els er enchaminar la via politica.

audio
Bunura: Sentupada da possessurs d'abitaziuns secundaras
ord Actualitad dals 30.03.2017.
laschar ir. Durada: 2 minutas 37 Secundas.

Pais spezial vulan ellas metter sin il dialog, ha ditg l’iniziant da l’inscunter Ignaz Derungs. Fin ussa na saja la communicaziun betg stada ideala dapertut. Gist la mancanza d'infurmaziun ed orientaziun haja forsa er manà a la situaziun malcuntentaivla actuala.

Plinavant han las cuminanzas er nominà 5 persunas che duain chattar il dialog cun il chantun e la regenza grischuna, quai er cun l’agid da l’Uniun grischuna dals possessurs da chasas che porscha ses sustegn per ils giavischs dals possessurs d’abitaziuns secundaras. Las 13 cuminanzas d’interess han er fatg giu da s’inscuntrar duas giadas ad onn.

Escha averta tar il chantun

audio
Bunura: Abitaziuns secundaras - reacziuns da Jon Domenic Parolini
ord Actualitad dals 30.03.2017.
laschar ir. Durada: 2 minutas 28 Secundas.

Tenor il minister d'economia dal Grischun, Jon Domenic Parolini, èsi bun ch'ils possessurs da segundas abitaziuns sajan s'organisads e fetschian valair lur interess. Parolini menziunescha er che las vischnancas e las destinaziuns sajan cussegliadas bain d'integrar meglier ils possessurs. Sulet uschia gartegia la finamira da chattar dapli amis dal Grischun ed ambassadurs che fetschian uschia er reclama per il chantun.

RR novitads 12:00

Artitgels legids il pli savens