Siglir tar il cuntegn

Header

cuntegn

Chantun Fusiun dal Swissalpine Marathon cun il Swiss Irontrail

Ils dus events dal sport da currer il Swissalpine maraton ed il Swiss Irontrail vegnan en futur ad furmar in sulet grond event. Uschia duai dar ina festa da currer sur set dis per tut ils fans dal sport da currer. L’emprima ediziun vegn ad esser ils 24 fin ils 30 da zercladur 2017.

audio
Swissalpine Marathon: La fusiun dal maraton cun l'irontrail
ord Sportissimo dals 30.07.2016.
laschar ir. Durada: 1 minuta 52 Secundas.

Uss èsi uffizial: Ils dus eveniments Swissalpine Marathon Davos e Swiss Irontrail vegnan fusiunads ad IN singul event. Tenor communicaziun hajan ils dus comités d'organisaziun concludì quai unanimamain.

Ordlonder duai nascher ina nova festa da currer cun ils puncts culminants da domadus events. Ina festa da currer da 7 dis per curriders extrems, sportists da hobi e famiglias. Sco il president dal comité d’organisaziun da omadus events Andrea Tuffli ha ditg saja cler che la sfida saja da fusiunar las duas marcas etablidas, ma l’idea saja da nizzegiar las sinergias e da porscher dapli al singul currider.

Porscher al singul currider dapli

Uschia duajan era ils pretschs per la participaziun restar tuttina sco fin qua e betg vegnir auzads. Era ils sponsurs da omadus events da sport stettian davos quest pass, er perquai che l’event vegnia cun la fusiun pli gronds ed uschia dettia quai dapli pussaivladads. La prima ediziun vegn ad esser dals 24 fin ils 30 da fanadur dal 2017.

RR novitads 11:00

Artitgels legids il pli savens