In onn suenter las elecziuns – Il proporz sut la marella

Ils 18 d'october 2015 ha il Grischun elegì ses cussegliers e sias cusseglieras naziunalas. La PPS è stada la victura. Ella ha survegnì dus sez (Magdalena Martullo-Blocher, Heinz Brand). Las partidas PS (Silva Semadeni), PBD (Duri Campell) e PCD (Martin Candinas) han mintgamai survegni in sez.

Elecziuns grischunas 2015 – Vuschs da partida per cedel da votar La grafica mussa, quants candidats d'ina partida èn effectivamain stads sin ils cedels da votar d'ina partida. 1/5 vul p.ex. dir che sulettamain in candidat da la partida è stà sin la glista. 5/5 e nunmidà munta che tut ils candidats d'ina glista èn da la partida. En la grafica èn adidas las colliaziuns da glistas da las singulas partidas.

L'elecziun tenor proporz prevesa ch'in votant sa dar duas vuschs ad in candidat ni ina candidata, quai ch'ins numna cumular. Quand che vegn cumulà el Grischun n'è betg enconuschent el detagl.

Las retschertgas dal politolog Clau Dermont mussan uss, quand savens che in candidat è vegnì cumulà, pia quantas vuschs dublas che in candidat ha survegnì. Entras quai sa Clau Dermont eruir sin quants singuls cedels da votar che in candidat è effectiv stà. Quella cifra numna el «influenza» e di pia, sin quants cedels che ina persuna era effectiv si.

Heinz Brand è per exempel stà sin sur 26% da tut ils 60'190 cedels da votar inoltrai. Quai correspunda pia a rodund in quart da tut ils votants. Martin Candinas ha tenor quai quint in’influenza da rodund 25%, Magdalena Martullo-Blocher da circa 21%, Silva Semadeni da circa 19%, Jon Pult da circa 18% euv.

Elecziuns grischunas 2015 – Influenza e cumulaziun tenor candidatAs


cedels
1x
2x
influenza en %
vuschs
Brand15'9068'7877'11926,4323'025
Candinas15'3018'9486'35325,4221'654
Martullo-Blocher12'6956'6076'08821,0918'783
Semadeni11'3707'9493'42118,8914'791
Pult10'8187'3423'47617,9714'294
Gasser9'9837'0182'96516,5912'948
Campell9'7517'0992'65216,212'403
Felix7'2125'8561'35611,988'568
Favre7'0906'0751'01511,788'105
Michel5'2573'7471'5108,736'767
Casutt-Derungs5'4094'6947158,996'124
Pfäffli4'2583'0891'1697,075'427

Maschadar u era «panaschar»

Entras l’analisa dils singuls cedels pon ins uss era dir, quant savens che glistas da partidas cuntegnan persunas dad autras partidas, pia quand savens ch’i è vegnì panaschà sin las singulas glistas. Il panaschar è medemamain ina caracteristica dil proporz. Uschia ves’ins per exempel cha las glistas da las partidas da la sanestra e da la dretga cuntegnan pli savens ils agens candidats che quellas dal center. Sin las glistas da las partidas PCD, PBD, PLD vegni panaschà dapli. Quai vul dir che sin lur glistas hai relativamain bler candidats dad autras partidas.

RR actualitad 08:00