Insects per il futur dal mund

L’onn 2030 vegnan 9 milliardas umans a viver sin noss planet. Tut quels vulan mangiar e per producir quest nutriment dovri bleras resursas. Cunzunt la producziun da charn dovra bleras resursas.

Laschar ir video «Insects per il futur dal mund»

Insects per il futur dal mund

4:55 min, Telesguard dals 18.5.2017

Nus Svizzers magliain passa 50 kilograms charn per onn. Quai munta mintga di trais giadas dapli che la piramida da nutriment Svizra recumonda. La producziun da uschè blera charn contribuescha al stgaudament climatic. Per noss futur èsi uss necessari, da far midadas en noss cumportament. Magliar insects pudess esser ina soluziun per questa problematica.

Verms, salips e grigls empè da salsiz?

Er ils Grischuns mangian blera charn. Con realistic èsi, ch’ils Grischuns barattan il salsiz cun la liongia d’insects? Tenor Gian Peter Niggli, allevatur da muaglia, pudess quai cuzzar bun 5 fin 10 onns. Anita Mazzetta è persvadida, che mangiar insects na correspunda betg a nossa cultura e vegn a restar – silmain per il mument- in product da nischa.

Insects sin il taglier – la populaziun n’è anc betg pronta

Laschar ir video «Seria Insects sin il taglier – ils uffizis han in pled en chapitel»

Seria Insects sin il taglier – ils uffizis han in pled en chap...

3:59 min, Telesguard dals 17.5.2017

La cuschinunza da la natira Rebecca Clopath è da l’avis, che la populaziun grischuna n’è anc betg pinada per far la midada da la charn sin insects. Era Tabea Baumgartner dal Center sursilvan d’agricultura manegia, che las Grischunas ed ils Grischuns hajan pli gugent la charn regiunala sin il taglier empè da charn d’insects. Dentant pudess quai sa midar en il decurs dals onns. Lura fissi tenor Gian Peter Niggli era pussibel ch’intgins purs innovativs tiran insects en il Grischun. Tenor Tabea Baumgartner succeda la producziun d’insects principalmain industrialmain, e quai en las citads.

TR Telesguard 17:40