Siglir tar il cuntegn

Header

video
«Hoch geachteter Her Verhörrichter…»
Or da Telesguard dals 10.02.2016.
laschar ir. Durada: 3 minutas 23 Secundas.
cuntegn

Chantun L'emprima polizia chantunala dal Grischun

«Hoch Geachter Her Verhörrichter...» Uschia ha l'istoricher Martin Camenisch titulà ses cudesch. En quel ha el perscrutà la lavur da l'emprim corp da langeghers en il Grischun.

L'emprima polizia chantunala è vegnida fundada l'onn 1804. Da quest temp eran be otg langeghers - sco els vegnivan numnads da quel temp - responsabels per tut il chantun. Il cudesch dat in’invista en lur mintgadi da lavur ed en lur viver.

audio
Bunura: Ils langeghers en GR
ord Actualitad dals 10.02.2016.
laschar ir. Durada: 3 minutas 23 Secundas.

Stgatschar vagants sur ils cunfins

Martin Camenisch ha persequità lur lavur cun leger passa 3’000 rapports ch'els han scrit durant ils onns 1818-1848 al derschader inquisitur a Cuira.

Lur incarica era nagina lavur da siemi, ma ina lavur ch'ha purtà als langeghers e lur famiglias ina paja fixa, tge ch'era fitg rar quella giada.
Autur: Martin Camenisch istoricher

Il cudesch

Avrir la box Serrar la box

«Hoch Geachter Her Verhörrichter...»

Polizeialltag im Bündner Landjägercorps 1818-1848

Martin Camenisch

680 paginas, CHF 59.00

Chasa editura Hier und Jetzt, Baden

Quest corp da polizia era fitg different da la polizia moderna d'ozendi. Ils langeghers stuevan stgatschar sur ils cunfins ils vagants, che n'avevan betg il dretg da burgais. En il temp da las trais lias aveva quai num «Treibjagd» ni «Landjagd». Ils langeghers han pia survegnì lur num da la «Landjagd».

Il cudesch mussa è, co ch'ins mava enturn cun l'ester da quest temp. Tuts na vulevan betg stgatschar ils vagants, perquai ch'els purtavan rauba che la populaziun en vitgs e vals n'aveva nagin access.

Artitgels legids il pli savens