Siglir tar il cuntegn

Header

cuntegn

Chantun La Collecziun d'art grischuna crititgescha il chantun

Era la possessura da las ovras dal Museum d'art – la Fundaziun Collecziun d'art grischuna – pretenda che Stephan Kunz vegni puspè mess en sco directur dal Museum d'art.

audio
Bunura: Fundaziun Collecziun grischuna d'art davart il Museum d'art
ord Actualitad dals 27.06.2017.
laschar ir. Durada: 2 minutas 40 Secundas.

La Fundaziun Collecziun grischuna d’art crititgescha la reorganisaziun da la direcziun dal Museum d’art. Per il president da la fundaziun Walter Reinhart è la degradaziun da Stephan Kunz in affront. El na sa betg metter avant co il Museum d’art less lavurar vinavant senza Stephan Kunz sco directur. Kunz saja la persuna en il museum cun tut ils contacts e perquai pretenda la fundaziun ch'il chantun mettia puspè en Stephan Kunz sco directur dal Museum d’art.

La fundaziun crititgescha l’agir dal chantun. Anc adina na saja betg cler pertge ch’il chantun haja fatg quella restructuraziun da la direcziun. Enfin ussa haja il chantun sulettamain communitgà ch’i haja dà mancos da management. Tge che quai veglia dir, na saja betg cler, uschia il president da la fundaziun Walter Reinhart.

La Fundaziun Collecziun grischuna d’art posseda las ovras dal museum d’art dal Grischun, ella administrescha las ovras e decida sur d’emprests ad auters museums.

RR actualitad 07:00

Artitgels legids il pli savens