Il ticker è a fin
-
10:33
La conferenza da la regenza Grischun per ils meds da massa areguard il messadi davart la candidatura Gieus olimpics 2026 en il Grischun è finida.
-
10:32
Paralimpics betg finanziads
Per ils Paralimpics 2026 mantgassan tenor concept anc 53 milliuns francs. Danunder che quests duessan vegnir, n'è anc betg cler.
Ils Gieus paralimpics tutgan tar tut ils Gieus olimpics.
-
10:30
DUMONDA: I aveva gì num che la candidatura custia 60 milliuns francs. Pertge ussa 25 milliuns?
Jon Domenic Parolini: «Quai ha da far cun l'agenda 2020 da l'IOC». L'IOC vul gieus pli pitschens e durabels.
-
10:25
DUMONDA: Daco na vul Turitg betg esser Host City?
Ils gieus olimpics na sajan, almain fin avust, betg stads in grond tema a Turitg. I dettia era anc autras candidaturas en Svizra. I na saja però betg chaussa da la regenza da Turitg da sa fatschentar cun quai, uschia Jon Domenic Parolini che raquinta da las contractivas cun la regenza da Turitg.
Sch'il comité olimpic internaziunal sa decidia l'auter onn per la candidatura dal Grischun, lura pudess quai tut tenor vesair ora auter, cuntinuescha Parolini.
-
10:20
DUMONDA: 1,65 milliardas per il budget operativ. Quant custa però la segiratd e l'infrastructura?
Quai na saja anc betg cler. Ins haja bain experientschas cun la segirtad cun il Forum mundial d'economia a Tavau. Però co la situaziun da segiratd saja il 2026, na possian ins simplamain anc betg prevesair, di Jon Domenic Parolini.
L'infrasturctura per la viafier vegnia purtada da la Confederaziun per almain 80%. Las vias naziunalas ch'èn pertutgadas dad eventualas renovaziuns vegnian era finanziadas da la Confederaziun, uschia Mario Cavigelli.
-
10:14
DUMONDA: Sche quai dettia gieus digitals ed interactivs?
Tut saja avert, di Jon Domenic Parolini. 5G tant sco pussaivel; Qua vegnia era la Swisscom ed auters partenaris ad esser da la partida. Da gieus interactivs cun il public, che va a moda virtuala cun ils skiunzs e las skiunzas a val, na possian ins uss anc betg discurer. En quai senn è s'exprimì Parolini vinavant.
-
10:08
Sustegn federal per mesiras da segirtad
Gieus olimpics èn da cumparegliar cun il Forum mundial d'economia a Tavau – quai che pertutga las mesiras da segirtad. Quai di cusseglier guvernativ Christian Rathgeb. Ils custs na vegnian betg pajads be dal Grischun. Da vart da la Confederaziun dovria quai sustegn finanzial.
-
10:05
Svilup da la rait da communicaziun
«Refit» per l'infrastructura munta era: Meglieras lingias da communicaziun ed ina megliera rait per telefonins en lieus decentrals en il Grischun. Quai di cusseglier guvernativ Mario Cavigelli. I vegnia a dar in «boost» per il Grischun.
«5G da Turitg a Cuira, e zuar dapertut.», uschia Jon Domenic Parolini.
-
10:03
Sfida: La logistica
La logistica en il chantun (traffic ed auter) saja ina sfida. L'infrastructura per il traffic saja bain buna, però anc d'optimar. Quai malgrà ch'ils vaidis curts tranter ils lieus da las concurenzas da maximalmain trais uras sajan in plus.
-
10:01
Il budget da CHF 25 milliuns per la candidatura bastia per ina buna candidatura – tant en il pajais sco internaziunal, uschia Jon Domenic Parolini sco suppleant per la ministra da finanzas grischuna Barbara Janom.
-
9:52
Parolini: «I dat era ristgas»
Sche la Confederaziun na dat nagina garanzia finanziala, u sch'il comité olimpic internaziunal IOC na dettia betg las garanzias, lura vegnia ina candidatura forsa gia inoltrada retratga, di Jon Domenic Parolini.
-
9:47
25 milliuns per la candidatura
Uss vai per il budget per la candidatura: CHF 25 milliuns tut en tut. Tranter auter CHF 1,1 milliuns per viadis, 1,5 milliuns per far il document da suttametter la candidatura.
Pli tard vai lura per il budget operativ, pia per ils daners che ils gieus olimpics sco tals vegnan a custar.
-
9:43
Cuira, San Murezzan u Tavau sco «Host»
Tgenina citad dal Grischun che duai esser Host City – la citad ospitanta – na saja anc betg sclerì. En dumonda vegnan:
- Cuira
- San Murezzan
- Tavau
-
9:42
Turitg na vul betg esser citad ospitanta
Turitg saja fitg avert per il project. Ina rolla activa na veglia Turitg però betg, di Parolini. La regenza da Turitg fiss tut tenor pronta d'avrir la cassa per ils gieus.
Host City fiss però ina citad en il Grischun.
-
9:40
Quasi tut è bajegià, manca mo 1 halla da patinar
Be ina halla per cursas da patinar stuess tenor il concept vegnir bajegiada da nov. L'autra infrastructura existia gia, di Jon Domenic Parolini, cusseglier guvernativ dal Grischun, e manader dal project tar la regenza.
-
9:40
Ils lieus per las differentas disciplinas dals gieus olimpics decentrals èn:
- San Murezzan
- Turitg (aglomeraziun)
- Tavau
- Cuira
- Laax
- Lai
- Nossadunnaun
- Engelberg
Legenda: Ils lieus, nua che las differentas disciplinas duain avair lieu tenor il messadi da la regenza per mauns dal Cussegl grond. RTR
RR actualitad 09:30+