Siglir tar il cuntegn

Header

cuntegn

Chantun Medis d'uffants – ina spezia rara

Memia paucs medis d'uffants – ina problematica che sa derasa dapertut en Svizra, surtut en regiuns periferas. Ed era sch'i dat en il Grischun valladas ch'han gnanc in medi d'uffants, n'è quai per l'Uffizi da sanadad betg uschè acut sco quai ch'i tuna.

En media èn naschids 1’700 uffants per onn ils ultims onns en il Grischun. Chattar per mintgin ses agen medi d'uffants – ina missiun quasi impussibla. En l’Engiadina Bassa ni era en il Scanvetg datti gnanc in medi d'uffants. Dovra insatgi en il Grischun central in medi d'uffants sto el sa render a Tusaun.

audio
Problematica mancanza medis d'uffants
ord Actualitad dals 28.06.2017.
laschar ir. Durada: 3 minutas 6 Secundas.

Per las valladas grischunas dal sid ha l’ospital d'Engiadin'Ota ina cunvegna da prestaziun per tractar uffants. Tar babs e mammas ora en questas regiuns saja da vegl à cler ch'ins va cun l'uffant tar il medi da chasa. Il provediment da basa saja pia garantì, di Rudolf Leuthold, il chau da l'Uffizi chantunal da sanadad.

En citads saja daventà usit che mintga famiglia vul era ses medi d'uffants. Uschia sajan il nov medis d'uffants ch'i dat a Cuira, repartids sin sis praticas, als cunfins e refuseschan tut tenor novs pazients. In auter fenomen che salas da spetga èn plainas, che nus giain pli stedi tar il medi. Las consultaziuns han prendì tiers pulit ils ultims decennis.

Artitgels legids il pli savens