Siglir tar il cuntegn

Header

cuntegn

Chantun Parc Adula: Charta definitiva è sin maisa

Ils responsabels dal Parc Adula han preschentà a Tusaun la charta definitiva. Suenter la consultaziun è quai la versiun finala da la quala las vischnancas han da votar.

video
E finalmain è ella qua
Or da Telesguard dals 03.10.2016.
laschar ir. Durada: 3 minutas 2 Secundas.

La charta definitiva dal Parc Adula è sin maisa. Cumpareglià cun la versiun dal zercladur hai dà insaquantas midadas, quai sin basa da la consultaziun ch'è vegnida fatga:

Ils statuts

La radunanza da commembers è vegnida engrondida. Tenor la grondezza da la surfatscha che sa chatta sin il territori da la vischnanca è il dumber da represchentants vegnì augmentà.

Parc Adula

Avrir la box Serrar la box

Istorgia ed argumentaziuns

per e cunter il Parc Adula.

Il contract dal parc

Midadas hai era dà tar las incumbensas dals purtaders dal parc. Quels èn obligads da resguardar propostas da projects da las vischnancas, da las vischnancas burgaisas, da la populaziun, dad uffizis, dad instituziuns, da persunas privatas che sesanflan entaifer il perimeter da part ni er dad orvart, sch'ellas han interess vid il parc.

Reglament d'utilisaziun da la zona da coc

  • La zona da coc è vegnida adattada.
  • Igl è vegnì precisà tgi che dastga bandunar las sendas: Pasturs, guardiaselvaschinas, rangers, chavacristals e persunas che lavuran vida projects dal parc.
  • Possessurs da bajetgs en la zona dastgan prender cun els il chaun, dentant be vid la corda.
  • Engrondir zonas da pastiras n'è betg pli pussaivel en la zona da coc. Persuenter datti indemnisaziuns, sche pastiras vegnan reducidas.
  • I dat la finamira d'augmentar la surfatscha da guaud per 3 km².
  • Eventualas midadas da la zona da coc pon pir avair lieu en la segunda fasa. Pia pir davent dal 2027; e quai era pir suenter in'ulteriura votaziun dal pievel.
  • Per chavar cristals datti contingents.

Quai èn las midadas las pli impurtantas ch'èn vegnidas fatgas da l'uniun Parc Adula. Sin basa da questa charta han ils abitants da las vischnancas pertutgadas da votar ils 27 da november.

RR actualitad mezdi 11:00

Artitgels legids il pli savens